Ubicación: Parroquia de Louredo
Data de construción: Século XII
Patrimonio material: Igrexa
A igrexa é de orixe románica do século XII e retocada no XIII. Porén, sufriu importantes cambios estruturais a finais do século XVIII. Consérvanse canzorros nos muros laterais antecedendo ao beirado e á cornixa. A torre foi construída en 1722, con base cadrada. No interior hai un escudo de armas que fai referencia á liñaxe dos Lanzos e Taboada, así como un sepulcro situado na Capela Maior. A igrexa sufriu un incendio o 10 de marzo de 1996, que destruíu o teito da nave central. En 1997 rehabilitouse. No enreixado da igrexa hai un peto de ánimas, presidido pola Virxe do Carme.