Ao carón da casa da poetisa mosense María Magdalena (1922-2021), sitúase esta zona de descanso que consta dunha mesa de pedra, un cruceiro, unha fonte e unha escultura en homenaxe á nosa autora. No monumento podemos ler un fragmento dun dos seus poemas en honra ao Camiño de Santiago e ás persoas que o percorren na súa peregrinaxe. Son moitas as persoas que ao seu paso depositan pedras ou calquera outro tipo de ofrenda.